栗子黑森林蛋糕

這是今年的聖誕蛋糕..........

今年沒有太好的心情做.......

所以只是用了很多家中的材料......

蛋糕底原本真的是巧克力味, 但是因為失敗了..........

蛋糕底我做了三個, 第三個才成功.....

我第一二個都是棉花蛋糕, 可能做成個焗的關係, 好濕........
下次都是焗一片片比較好..........

mousse 和櫻桃都比較成功........

其實很多裝飾都很hea.......

只是煮了鏡面, 用了栗子蓉遮醜, 擠了些字和點點......

簡簡單單, 帶點白痴, 都幾切合我的性格(寫到這兒, 我已經狂笑了.......)

做法, 其實是找了一個我喜歡的巧克力慕斯食譜, 做櫻桃餡的方法, 做清蛋糕的方法和煮鏡面的方法...........
以上的方法, 都是從不同書本搜尋出來.........

給老師們的謝禮 - 鄉村巧克力曲奇(附食譜)

上多篇說過, 六個老師幫我選choice........
所以, 我趁昨天的畢業典禮送給他們~~~

我下午足足用了四個小時才做好~~~
這些餅乾看似很普通, 但是充滿心思的~~~
尤其那個包裝, 我是用那些膠貼, 剪一個個的餅乾狀的圓形, 剪一粒粒的小小巧克力.....
仔細地貼上盒子上......
背後, 還有給老師的memo......
單單裝飾八個盒子, 足足用了二個多小時........



入面的曲奇, 也不是普普通通的曲奇.........
我是經過考慮才用這個食譜........
因為我給的多是女老師, 她們十分怕胖........
這個曲奇, 用的是固體菜油, 加了高纖維的燕麥粉, 還減少糖和巧克力粒的份量.......
味道上, 香脆, 有粒粒口感, 不錯吧~~~~

我用的食譜是在人氣蛋糕技術教本........
我用的巧克力粒是這個:


而我用這一隻燕麥粉:


糖就因為我沒有紅糖, 所以我用了黑糖




食譜: 改編至人氣蛋糕技術教本
材料:(直經3-4cm 60塊左右)
固體菜油 260g
白砂糖 135g
黑糖 100g
蛋汁 3個
低筋麵粉 235g
泡打粉 4g
梳打粉 4g
燕麥粉 300g
巧克力粒 250g

做法:
1. 將固體菜油打軟, 加入糖, 用低速攪拌混合。
2. 將蛋汁分數次加入固體菜油混合, 每一次都要混合徹底。
3. 加入粉類和燕麥粉拌勻。
4. 加入巧克力粒拌勻
5. 放入擠袋中擠出麵糰
6. 放入180C 焗13-15min(因為大小不同, 會影響時間)

心得:
因為麵糰都頗硬, 用完即棄的膠擠袋會比較好, 因為我用了一個係吉吉島買七十多元的擠袋, 就因為佢, 爆開左個口, 爛左.........
這一個已經係減糖配方, 因為原本那個食譜用成300g 糖......
個麵糰會溶when 焗緊的時候, 所以預留位置....
如果喜歡扁平的話, 可用匙更黏水, 硬平.......
個麵糰一開始時比較黏, 放下放下就會好d......

菠蘿蛋糕

菠蘿蛋糕是我由細到大都喜歡吃的蛋糕.....
菠蘿蛋糕亦是引發起我做蛋糕的興趣.....
中二時, 我們只有半個學期上家政課....
我還記得那時做菠蘿海綿蛋糕.......
就是這一次的家政課, 令我愛上做蛋糕........
我買了第一本食譜書, 買了第一個蛋糕模........
我那時年幼無知同白痴, 放那個金屬蛋糕模入微波爐叮, 我還要做了五六次.....
沒事發生太好了......
後來, 我媽買了焗爐給我, 我便開始了我做蛋糕的生涯........
數數手指, 這個生涯都經歷了5年有多.......
雖然中間因為讀書考試, 停了一年多........
我自問是一個3分鐘熱度的人, 不論跳舞, 游水, 畫畫, 彈琴, 都過不了3年......
過了這麼多年, 我對做蛋糕麵包的熱情不但沒有減退, 而且不斷增加.......
它已變成我的理想了.......

芝麻脆餅(配有製作圖解)

做法簡單~~
味道似街買回來的芝麻餅~
食譜改自西點學習大百科
材料:
蛋白 25g (約1個份)
三溫糖 30g
低筋麵粉 30g
無鹽牛油 20g
炒香的芝麻 90g(因為我覺得只有白芝麻太單調, 所以我加了黑芝麻。我下了25g 黑芝麻, 65g 白芝麻)


做法:
1. 將蛋白打至起泡。

2. 加入糖, 攪拌至糖完全溶解。

3. 一次過加入過篩的麵粉, 拌勻

4. 倒入芝麻, 拌成糰狀。

5. 在不沾布上, 放上模具

6. 在模子上放上麵糰, 用黏了水的叉子壓平。移除四周多出來的麵糊。脫模。

7. 放入已預熱的焗爐, 以180c 焗10min。
8. 完成後, 放在架子上放涼。完全冷卻後, 立即放入密實盒中。
心得:
芝麻最好即炒即用。因為我早上炒好, 晚上用, 有少少不香脆。
薄一點會比較香脆。
黏了水的叉子可以防黏。

經典巧克力蛋糕 Classique 第二回 (配有製作圖程)

第二回開始了, 好像因為太多圖片了, 所以要分開~~
第一回請按此~
-------------------------------------------------------------------------------------
6. 將忌廉和奶油倒入已溶巧克力中, 拌勻成幼滑巧克力醬。

7. 加入蛋黃拌勻, 之後加入一半的發泡蛋白, 以fold 的形式拌勻。

8. 在麵糊中加入可可粉拌勻, 再加入其他粉類拌勻。

9 最後, 加入餘下的發泡蛋白, 以fold 的形式拌勻，並倒入模中。

10 放入已經以下度數預熱的焗爐中焗40min

11 完成後, 脫模放上架上放涼。
心得是不要減糖..因為我減了20g 糖, 出左黎, 蛋糕有少少苦~

經典巧克力蛋糕 Classique 第一回 (配有製作圖程)

這個蛋糕是我很喜歡......
我常常做這個蛋糕給朋友, 作生日蛋糕......
原因之一, 是因為不用太大心思做裝飾, 只要篩上糖霜, 就是一個美麗而樸素的蛋糕~~
因為我很喜歡這個濃濃巧克力味的蛋糕, 所以我連製作過程都拍了下來........
----------------------------------------------------------------------------------------------------------
食譜改自五星級歐式甜點烘焙課 堀江 新
材料 : 一個7" 蛋糕

53% 可可含量的巧克力 113g
35%脂肪含量淡忌廉 63g
無鹽牛油 63g
可可粉 63g
低筋麵粉 3g
粟粉 5g
蛋白 125g (約四個)
糖 125g蛋黃 63g(約3.5個)
預備:
在模具上掃油鋪紙。

做法:
1.將巧克力切細, 隔水加熱。(因為我用的是button 狀的巧克力, 所以我沒有切細)


2. 將淡忌廉和牛油一起煮至沸騰。

3. 將可可粉獨立過篩, 低筋麵粉則和粟粉一起過篩。

4. 先將蛋白稍微打散後，將攪拌器從低速升至中速，攪拌至成為泡沫細緻的發吨蛋白為止, 這時蛋白會呈現烏咀形。

5. 接著, 緩緩加入糖，並繼續攪拌至砂糖完全溶解, 出現光澤, 拿起會呈鳥咀形。

下一步請看第二回........

Creme Caramel 焦糖布丁( 附食譜)

第一次做.......
lee 個布丁, 有好多缺點....
過濾得唔好, 因為我無過濾到d 雲尼拿籽.......
脫模脫得好差, 因為我第一次整, 用刀仔沾邊界落佢, 但刀仔有點厚, 所以鬼死咁突.....
看錯食譜, 這個布丁在一個巧克力撻上面。所以大部分甜味來自至個撻。我又唔記得加糖, 所以唔甜....
個焦糖面好薄, 我倒左好多焦糖ka, 但係唔知點解佢黏住個杯, 唔黏個布丁......我都唔知係正常, 還是失敗.....
食譜來改自Miss Ho 的烘焙教室的焦糖燉蛋朱古力撻
食譜:(可做四杯)
焦糖:
砂糖 100g
水 125g
做法:
1. 先倒3/4水於煲中, 加入砂糖, 並和水一起煮至焦糖。不可攪拌糖漿, 要用掃和水掃去煲邊黏著的糖
2. 當煮至焦糖色後, 加入餘下的1/4杯水。再煮至稀身。
3. 熄火, 待至不沸騰, 倒入杯模中。待冷一些, 放入雪樻待焦糖凝固。
布丁:
牛奶 300ml
蛋 2隻
蛋黃 1個
三溫糖 75g
雲尼拿醬 1.5 茶匙
1. 牛奶和雲尼拿醬混合, 加熱至暖, 不用煲滾。
2. 雞蛋和蛋黃拂勻, 加入糖拌勻。
3. 將暖奶倒入2中, 邊加奶邊攪拌。
4. 用匙更"不" 走泡沫
5.將混合物過濾, 隔去雲尼拿籽(可用廚房紙放入篩上來過濾)
6. 倒入已有焦糖的杯子上, 以160c 用熱水燉30-40min.
7. 用木柄敲擊杯身, 蛋漿稍微震動便可。
8. 放涼後, 放入雪櫃即可。

使用蛋白好幫手之一點二 - 雜果仁瓦片 Mixed Nuts Tuiles(附食譜)

因為我細佬下令, 要燉蛋同瓦片, 所以我整左瓦片.......
我不太喜歡瓦片是曲的, 因為易碎同整曲的時候, 容易燙傷.....
所以扁扁的..........
我覺得別有一番趣味~~
我敗左幾次家, 家裏多了很多貴價果仁.....
所以今次切了一些下去, 不只是杏仁那麼孤單.........
就因為我切了一些開心果仁和巴西果仁, 我便發覺下粗粒果仁, 比下杏仁片, 更有美感......
上面就是加了巴西果仁和開心果仁........
下面就是加了開心果仁和杏仁片..........
開始做的時候, 我發現頗難抹到一個漂亮和厚薄均勻的麵糊......所以焗了八個後, 我便用膠片, 做了一個模具, 後來的瓦片變得整齊~~~就是上面那幅la~~
做法是與上次不同的~~
這食譜是來自獨角仙的~
食譜如下:
Almond Tuiles
Ingredients:
Butter (Soft)                    85 g
Icing Sugar                     80 g
Egg White                       90 g(大約3個)
Flour                                 85 g
Almond Slice                  As needed
Method:
Preheat the oven to 160℃
Sift the flour
Mix butter with icing sugar until combine
Mix with egg white a little at a time
Spread a thin and even layer the batter on the Silpat with a template, place almond slice on top
Bake until slightly brown
心得:
我大約焗了10-11分鐘, 厚薄不同, 時間亦不同......
待涼後, 要立即放入密實盒, 否則, 很快會受潮........

Chocolate Brownies 巧克力布朗尼(附食譜)

原本今天不想做蛋糕, 點知明天爸爸話帶我見佢老板的朋友, 是賣雲石的......
我想買一片雲石, 作搓包和巧克力........
兩手空空探人, 我覺得不好意思, 所以做些東西給他.......
為何做布朗尼蛋糕?? 因為我家有足夠材料做lo.....
我聽了blog 友core 話, 用了山核桃和杏仁酒.......味道呀, 我不知道呀, 因為剛剛做好, 晚上食的話, 很肥ka~
但我爸爸和弟弟就受不住雪糕和蛋糕的誘感, 又來了一個熱辣辣的布朗尼蛋糕伴雪糕la......
因為我的盒子不夠大, 裝唔到一件入盒, 我媽說送兩件給她的同事KK, 所以右下面的相片, 左手邊的是給KK , 右手邊四件裝是給我爸老板的朋友.........
講番蛋糕先, 這個蛋糕是改編至Miss Ho 在完美西點的食譜, 用了山核桃和巴西果仁, 加了杏仁酒和雲尼拿醬......改至8" 正方形模.........
---------------------------------------------------------------------------------------------------------------------
食譜: 7.5" 正方型慕斯圈
改至MISS HO 的"完美西點"
70%黑巧克力 189g
淡牛油溶液 103g
蛋汁 118g
糖霜 177g
低筋麵粉 44g
高筋麵粉 44g
發粉 3g
山核桃 44g
巴西果仁 44g
入爐黑巧克力粒 或切碎黑巧克力 59g
杏仁酒 5ml
雲呢拿醬 1/8茶匙
白巧克力 適量
做法:
1. 將70%黑巧克力切碎, 用熱水坐溶, 並和溶牛油混合。
2. 將所有粉類(除糖霜外)過篩。果仁切粗粒。模具墊紙備用。
3. 蛋汁和糖霜打發至奶白色, 並加入杏仁酒和雲尼拿醬。
4. 在3 中, 加入已溶的巧克力漿，並混合均勻。
5. 加入粉類拌勻。
6. 加入果仁和巧克力粒拌勻
7. 倒入模中，以200c 焗30min。出爐後, 放涼, 之後切件
8. 將白巧克力切碎，坐熱水溶化, 放入擠袋中，在蛋糕面上擠上花紋。
心得:
必須切件後才擠白巧克力, 因為切件會弄花紋理，而且難些切得漂亮~
若白巧克力過稠, 可以加入少許可可油。
果仁可以隨便選擇, 很多時會用核桃，碧根核桃，杏仁.......
巴西果仁雖然比較貴, 但是新鮮的話, 少了一浸油味, 比合桃好得多........(山核桃=碧根核桃當然好, 但是貴)

使用蛋白好幫手之一 - 杏仁瓦片(附食譜)

很多時, 食譜要用一個蛋黃, 甚至數個蛋黃..........
餘下的蛋白怎麼辦呢????
炒蛋白?? 感覺有些浪費蛋白........
保鮮紙的倒汗水好似滴左落佢, 怕打發不起來??
這個杏仁瓦片就可以幫到你~~
不用打發蛋白, 不用怕打發不起來.......
味道一流, 不怕浪費........
食雪糕, 飲汔水的一流伴食~!!!!!!!
做法簡單, 不帶腦袋都可以成功~~~
--------------------------------------------------------------------------
食譜(from 西點蛋糕大百科)
低筋麵粉 20g
蛋白 1個
糖 40-50g
杏仁片 50g
牛油熔液 30g
1. 將麵粉、糖、杏仁片拌勻。放入蛋白, 拌至一pat 野。
2. 將牛油溶液加入至1 中, 拌勻。
3. 蓋上保鮮紙, 讓麵糊醒30min。
4. 用沾了水的叉子壓成扁圓形, 四周要平均
5. 放入180c 焗10-13min
6. 如要做成彎曲狀, 芔爐後, 趁熱放左捍麵棒, 讓自己彎曲。冷卻後, 便會凝固, 成彎曲狀。

榛子橙香曲奇(附食譜)

這是ipkung 的食譜........
我當然沒有他做得那麼漂亮~~~
這個曲奇對我來說, 只有淡淡的橙香.....可能因為我整完橙青, 發現不夠麵粉做曲奇, 去了半小時, 到樓下x康買麵粉la.........
我用了三溫糖.......我覺得沒有白砂糖那種惹甜的感覺~~
但是很貴, 二十五元左右才有一公斤, 比白砂糖貴一倍有多...........
榛子醬是100%無糖...........
ipkung 只貼上食譜的材料表........那些做法是參考我家的書庫而做出來............
------------------------------------------------------------------------------------------------------------------------
食譜:
材料:
榛子醬橙皮奶酥曲奇
100%無糖榛子醬 25g
橙皮 1個
中蛋黃 1個
脫脂奶粉 20g
牛油 150g
三溫糖 70g
低粉 220g
來自http://forum.lifeofelegancy.org/viewtopic.php?t=16296&postdays=0&postorder=asc&start=10

做法:
1. 將放軟的牛油和三溫糖打發至淺棕色
2. 加入蛋黃拌勻
3. 加入榛子醬和橙皮拌勻
4. 加入已過篩的麵粉同奶粉, 拌成一麵糰。
5. 整型, 整至一長方體。放入雪櫃, 雪一小時至硬。
6. 用利刀成厚片, 放入已放焗爐紙的焗盤上。
7. 放入焗爐以180c焗15-16min

心得︰
厚d 好食d.......
整長方體狀的麵糰, 可參考miss ho 的完美西點一書, 入面有詳圖介紹做法.......
太軟可以雪硬少少才做型......
我認為加入榛子粒會比較好, 因為這樣會增強榛子的味道, 而且口感會豐富一些.......

貪心惹的禍 - 藍莓鬆餅(附食譜)

大家不要以為今次的鬆餅都像上面的樣子........
你看看下面:

唉...正所謂貪字得個貧........
我太貪心la.......原本可以做十五個的麵糊, 只係做左十個...
十個呀......所以得最後o個一個是七分滿, 就是最上面o個一個.........
其他唔係滿瀉, 就係爆得樣衰..........
外表醜都算la.....佢簡直唔係鬆餅, 係蛋糕........
原因呢?? 又係衰係個"貪"字我打發牛油過度, 入面充滿空氣, 導致鬆得滯..........
唉......真失敗........
------------------------------------------------------------------------------
食譜:
藍莓馬芬蛋糕 (直徑7cm 5個份)(以上係lee 份食譜的三倍份量)
材料:
軟奶油 50g
砂糖 70g
蛋 1個 (室溫)
低筋麵粉 100g
泡打粉 1小匙
鹽 1小撮
牛奶 60ml
藍莓 約70g

做法:
1. 預熱焗爐170c
2. 容器肉放入牛油和糖, 攪拌至白色絨毛狀。
3. 分數次加入蛋液, 每一次加入都要徹底攪拌, 才加入第二次。加蛋混合後, 加入鹽拌勻。
4. 加入一半的牛奶混合，將一半的粉類過篩篩入，迅速混合。
5. 加入剩餘的牛奶混合，再篩入粉類，迅速混合使整體融合。
6. 加入藍莓拌勻
7. 將麵糊倒入模具中，約7分滿, 不要貪心
8. 以170c 焗25min(以上個紙模同埋咁滿, 我焗左170c 35min 左右)
(來自 西點學習大百科 )

楊枝金露慕斯蛋糕(加了結構圖)

芒果當造的季節........楊枝金露係必然的甜品之選~~~
以前都想做, 但係好煩, 要整西米, 拆紅柚肉, 切芒果, 整芒果汁.........
而家有時間, 都唔怕煩, 整LU~~~
講下個結構:

底層是雲呢拿味的棉花蛋糕....中間就是Helen 的楊枝金露慕斯....邊邊的圍邊蛋糕是柚子味的棉花蛋糕......
面呢, 內圈是芒果粒, 外圈是芒果jelly 粒, 柚子肉, 西米, 椰汁的混合物.........
大家唔好以為佢好成功ar, 佢有d 瑕疵ka~~
瑕疵一號: 芒果jelly
我本想做到jelly 糖的硬度, 切一粒粒, 混合埋其他材料, 咁樣會變得晶瑩剔透的樣子........
但是, 我低估了魚膠片同jelly 粉的凝固能力, 做出來, 軟左少少, 似平時的jelly......混合埋, 似一pat 野多d.....後尾, 係個面加了一d 新鮮的柚子肉, 令到看上佢質感多d~~
瑕疵二號: 慕斯
唉, 我以為用椰漿粉開水就會做成杰杰的椰漿........就係因為我用左椰漿粉, 搞到個糊稀晒.......
瑕疵三號: 蛋糕
大家唔好以為棉花蛋糕有瑕疵呀~~
其實, 棉花蛋糕係後備黎ka......
原本想用海綿蛋糕ka, 太奈無整, 想試下.........點知, 軟就軟, 但係粗粒同好薄(切晒個面同底....), 加上做好個mousse 之後, 那一片薄薄的蛋糕, 乾左.......
好在個mousse 太稀了, 要放雪櫃, 等杰d 先倒入模, 比時間我做一大片棉花蛋糕.......
當然, 棉花蛋糕是成功la~
所以個蛋糕圍邊都不用其他書介紹的分蛋法做蛋糕邊, 都是用棉花蛋糕.......
瑕疵四號: 圍邊蛋糕.....
我衰多手加左2-3g 的泡打粉, 搞到幼細的質感, 變成多洞洞........
唉, 由棉花變左海綿lu...........
-------------------------------------------------------------------------------------------------------------------------------
蛋糕的食譜:
蛋糕底: 蔡師奶的棉花蛋糕

楊枝金露慕斯: helen 的食譜

圍 邊是在食譜中加入一湯匙的柚子蜜, 減10-15g 糖, 焗成一大片棉花蛋糕。去邊後, 切成三片一樣大小的, 塗上果醬(要夾味的, 我用杏桃, 不要果肉, 只要醬), 疊起, 切片, 便會做成三條蛋糕條一排的蛋糕片。用果醬黏上蛋糕, 放雪櫃雪實(最好有個mousse ring "cool" 實).....'
實驗証明, 果醬的黏力不足, 不能將蛋糕邊完完全全黏實..........因此, 我建議大家可以預先砌左蛋糕圍邊, 之後加入蛋糕底, 再倒入慕斯漿。

令我又愛又恨的雲尼拿醬

我恨它, 因為它很貴, 這一小樽要185 個大餅......對於一個貧苦學生來說, 太貴la~~!!!!!1
幸好, 我有三百大元的禮劵, 不用錢, 我就可以擁有它~~~
我愛它, 因為它很香, 就算一小小匙(大x樂攪拌奶茶的小匙), 已經令整個蛋糕很香.....
我愛它的一點點, 它的一點點給我一種虛榮感, 只有上等的麵糊或吉士, 才會用香草豆....我平凡的棉花蛋糕麵糊頓時變得貴族了~~~
在那裡可買到呢? city super 是也~~
放在那裡呢?? 放左香油附近, 一個不起眼的小角....

Moelleux Au Chocolat 巧克力軟球 (附食譜)

這是我今天早上做的~~
是參照<<大師級法式甜點烘焙課>> 這書做~~
很簡單但很香濃的蛋糕~~
根據書中解說, 這是為一減肥餐廳內的療養客人所做的~~~即是適合減肥人士~~~~即是我~~!!
味道是像巧克力味雪芳蛋糕, 好軟綿綿~~又簡單, 只要懂得fold 的技巧, 就可以la~~
其實這次做得不好, 比圖中的粗織細密, 書中的圖是又大又小的洞洞.........


-----------------------------------------------------------------------------------------------------------------------
巧克力軟球 (直經4cm 矽膠模具24個)
材料:
發泡蛋白
    蛋白 100g
    糖 30g
蛋黃 100g
糖35g
牛油 25g
低筋麵粉 40g
可可粉 15g

準備: 焗爐預先預熱
作法:
1.       製作發泡蛋白。將糖分2-3次加入蛋白中，打發至能夠立起角度的狀態。
2.       在另一盆中, 放入蛋黃打散，加入糖打發至淡黃色為止。
3.       將奶油拌成濃稠狀後，加入2 中。
4.       將一半的蛋白加入3 中, 以不會破壞泡沫方式混合。
5.       將麵粉和可可粉一起過篩後，倒入待混合均勻後就加入剩下的另一半發泡蛋白，輕輕攪拌混合。
6.       將麵糊倒入直徑4cm 的矽膠模中，放入雪櫃雪1小時
7.       用180c 焗7-8分鐘。將烤箱濕度設定在30%
心得:
蛋白不要打得太堅硬, 軟軟的, 起到角就可以。太硬難以攪拌~會有些蛋白粒.....
倒入粉類, 最好過篩入麵糊......我無咁做, 所以有些可可粉粒.....
食譜原本話要係個面灑上可可豆碎屑, 因為我沒有, 所以我什麼也沒加.......若想加的話, 我想可以加入切碎入爐巧克力粒
若果用金屬模具, 必定掃油撲粉.....只係掃油, 都會黏底, 難以脫模~
出爐後, 要立即倒扣, 否則會縮得好勁.....
每個爐的性質都不同, 我用我o個個微波爐+焗爐為一体的爐要用180c 焗成10min, 玫瑰要用190c 焗成15min.........所以時間要自己控制........

失敗換來的美味 (附食譜)

上一個POST 咪話過, 我整左個CAKE BASE 係巧克力味, 我以為佢失敗, 整左第二個咖啡味.......

今日切左個以為失敗的巧克力布朗尼......原來係成功KA~
為左慶祝佢的成功(明顯的藉口), 食完飯即刻標去樓下的WELCOME, 買左盒H 記STRAWBERRY 味雪糕, 特價仲要送果汁......

咁LEE 個以為失敗的蛋糕咁切開左四份, 成為我們一家的甜品~~
做法好簡單, 先用微波爐叮10-20 秒個蛋糕, 等佢熱熱地。之後用匙更"筆"一大個雪糕球, 放係蛋糕上面。切一粒大草苺(有左佢冇咁漏, 其他生果都可以取代, 但係要配古古力味), 擠一D 巧克力醬就得LA~~

用甜品醬會好D.......但因為屋企冇, 加上上次整馬卡龍, 剩左D 巧克力軟心, 所以擠埋落佢LO~~
味道當然一流.....鬆散的蛋糕, 配合一粒粒的合桃.....加上溫暖的蛋糕配上冰凍的雪糕, 一冷一熱......嘩, 難以用筆墨形容呀~~!!!!!!!!!

其實LEE 個甜品係抄我成日去的牛排屋入面一個甜品, 叫CHOCOLATE THUNDER..........
佢係底係一舊熱辣辣的CHOCOLATE BROWIES , 加上一球大的雲呢拿雪糕球, 再係上面有一球CREAM, 淋上熱熱地的巧克醬..........雖然幾漏, 但我超中意食~~~

巧克力布朗尼蛋糕(6" 正方形模)
材料:
黑巧克力 65% 55G
軟牛油 100G
蛋 80G
糖80G
低勱麵粉 40G
可可粉 8G
杏仁粉 20G
合桃碎 40G
做法:
1. 將蛋和糖拌勻
2.將黑巧克力切碎, 隔水坐溶。拌入軟牛油拌勻。
3. 加入1.到2. 中拌勻
4. 倒入麵粉拌勻。拌勻後, 加入杏仁粉和合桃碎拌勻, 放入已放牛油紙或已掃油的模中。
5. 放入焗爐170C 焗12-15min.
(如要在蛋糕面上放上合桃裝飾, 另備4.g 左右的合桃碎)

咁多年來最失敗的一個蛋糕

它怎樣失敗??
我先講解佢身體各部分....
首先, 咖啡合桃布朗尼蛋糕做蛋糕底.......
第二, 巧克力榛子慕思.........
第三, 巧克力裝飾, 包括鏡面, 圍邊同巧克力塊......
整個蛋糕, 我認為成功係d 生果, 其他的好失敗.........

失敗排行榜第一位係我揀錯食譜。lee 個蛋糕係選自<<巧克力迷>> lee 本書。我從來未整過lee 本書入面的食譜, 就膽粗粗整人地的生日蛋糕......係咪大膽左d 呀~~

失敗排行榜第二位係個mousse....第一, 我跟足食譜做, 一d 都唔甜, 都唔知我做錯定食譜有問題.......佢話用無糖的榛子醬, 出左黎一d 甜味都冇, 靠害!!

失 敗排行榜第三位係個裝飾.....巧克力圍邊用錯膠片, 用左隻硬左d, 我應該用係朝日買回來的......失敗!!!個巧克力牌應該用黑力, 唔好用白力.......失敗!!!! 個鏡面係唯一成功d, 但係淋上個cake 度的溫度應該低少少好d.......因為我照足食譜, 35c 倒入去, 遮唔到醜......但味道不錯~~~之不過, 我浪費左好多, 下次煮少d 先得~~

失敗排行榜第四位係個cake base......首先佢唔係本身失敗, 佢係人為失敗........個base焗唔熟就拎左佢出來...雖然我搵左牙籤"吉"過, 但係個底好濕.........我唯有放番入爐焗多陣......第二個失敗, 我以為我第一個做的巧克力味失敗左, 做左個咖啡味........點知個咖啡味仲差, 好易散.........
lee 個蛋糕, 送比人真係有D 對佢唔住~~~

LOK MAN, SORRY 呀!!!!!

Marble Cake 雲石蛋糕 (附食譜)

我一共做了六個這個蛋糕.......是上星期五, 我們一班舉辦五月份的生日會。我做給他們的生日禮物.....

說實話, 我第一次做這個食譜, 都不知好不好吃, 就送給人........

原本想送香蕉合桃蛋糕ka, 但失敗左。失敗的原因, 唔係唔好食, 係樣衰..唔見得人......

食譜係改編至四季甜品 高木康政著

食譜如下︰

材料: (模具: 類此這個模具http://www.bakingwarehouse.com/984b.jpg 6個)

無鹽奶油 100g

糖 80g

蛋 100g (約2隻)

蜂蜜 7g

牛奶 14g

低筋麵粉A 54g

泡打粉 A 2g

低筋麵粉B 50g

可可粉B 4g

泡打粉B 1.5-2 g

合桃粒 50G

準備: 預熱焗爐180c, 粉類A 和粉類B 分別過篩

做法:

1. 牛油和糖打發至奶白色，分幾次加入蛋汁, 混合均勻。

2. 加入蜂蜜拌勻

3. 加入牛奶拌勻

4. 將麵糊分開一半，分別為麵糊A 和麵糊B。粉類A 加入麵糊A 中混合均勻。粉類B 加入麵糊B 中拌勻。

5. 將兩種麵糊分別放入擠袋中，在模具中擠出大理石圖案, 當中放入核桃粒, 約擠至模具七至八成滿。

6. 放入焗爐焗30分鐘。出爐後脫模, 放左架上放涼。

更正提示: 圖中的蛋糕名稱是串錯了, 不是mable cake, 而是marble cake.........

Macarons Au Chocolat

Macarons Au Chocolat 個名係咪好型呢......其實係藍帶書入面佢的法文名黎ja~~
lee 個東西整左三次先叫成成地功......點解呢?? 佢得個樣, 好扁, 因為打蛋白唔夠.....
lee 個東西好考技巧.....研究不足, 導致度頭二次的失敗.......

失敗作:

失敗原因: 因為研究不足, 我只係看左bea 的blog 就膽粗粗去整......搞到攪拌不足, 好鬼杰.....出左黎裂開晒......
吸取兩次失敗, 發現打蛋白要忌廉狀, 打蛋白的糖要分幾次下。仲有, 加入糖粉杏仁粉要分幾次加入，加晒後要fold 度一個有光澤的麵糊.....

食譜:
http://hk.myblog.yahoo.com/bea-desserts/article?mid=2434
入去看看, 仲有好多技巧學ka~~

卷之練習二 - 芒果栗子卷

又是練習呀~~
我今天足足買了12個芒果, 為後天的作品預備.......
今次我做了普通的蛋糕底, 軟綿綿.......
麵粉用了54g....焗的溫度180c, 焗15min, 再以140c 焗3-5min....這樣, 個面會有漂亮的顏色~~
栗子餡就改編至朱古力謎, 用了200g  栗子蓉, 120g 打到7成度的cream, 和7g 的橙酒攪勻.....
就以這個卷卷來說, 太多餡料, 所以我想150g 栗子蓉, 100g cream 會比較好, 因為少d 同味道濃d~
上面的擠栗子蓉便用了100g 的栗子蓉, 加入打發起的cream, 少少咁加, 加到你喜歡的硬度.....(其實大約10-25g 左右, 不會太多)
味道就未試, 但係我覺得賣相ok, 話晒自己的作品嗎~~
卷卷入面有芒果肉ka~我將一個芒果切成條狀, 做芯....另一個切成粒狀, 小粒鋪起中間同尾部, 大粒放上蛋糕上做裝飾~