令我又愛又恨的雲尼拿醬

我恨它, 因為它很貴, 這一小樽要185 個大餅......對於一個貧苦學生來說, 太貴la~~!!!!!1
幸好, 我有三百大元的禮劵, 不用錢, 我就可以擁有它~~~
我愛它, 因為它很香, 就算一小小匙(大x樂攪拌奶茶的小匙), 已經令整個蛋糕很香.....
我愛它的一點點, 它的一點點給我一種虛榮感, 只有上等的麵糊或吉士, 才會用香草豆....我平凡的棉花蛋糕麵糊頓時變得貴族了~~~
在那裡可買到呢? city super 是也~~
放在那裡呢?? 放左香油附近, 一個不起眼的小角....

Moelleux Au Chocolat 巧克力軟球 (附食譜)

這是我今天早上做的~~
是參照<<大師級法式甜點烘焙課>> 這書做~~
很簡單但很香濃的蛋糕~~
根據書中解說, 這是為一減肥餐廳內的療養客人所做的~~~即是適合減肥人士~~~~即是我~~!!
味道是像巧克力味雪芳蛋糕, 好軟綿綿~~又簡單, 只要懂得fold 的技巧, 就可以la~~
其實這次做得不好, 比圖中的粗織細密, 書中的圖是又大又小的洞洞.........


-----------------------------------------------------------------------------------------------------------------------
巧克力軟球 (直經4cm 矽膠模具24個)
材料:
發泡蛋白
    蛋白 100g
    糖 30g
蛋黃 100g
糖35g
牛油 25g
低筋麵粉 40g
可可粉 15g

準備: 焗爐預先預熱
作法:
1.       製作發泡蛋白。將糖分2-3次加入蛋白中，打發至能夠立起角度的狀態。
2.       在另一盆中, 放入蛋黃打散，加入糖打發至淡黃色為止。
3.       將奶油拌成濃稠狀後，加入2 中。
4.       將一半的蛋白加入3 中, 以不會破壞泡沫方式混合。
5.       將麵粉和可可粉一起過篩後，倒入待混合均勻後就加入剩下的另一半發泡蛋白，輕輕攪拌混合。
6.       將麵糊倒入直徑4cm 的矽膠模中，放入雪櫃雪1小時
7.       用180c 焗7-8分鐘。將烤箱濕度設定在30%
心得:
蛋白不要打得太堅硬, 軟軟的, 起到角就可以。太硬難以攪拌~會有些蛋白粒.....
倒入粉類, 最好過篩入麵糊......我無咁做, 所以有些可可粉粒.....
食譜原本話要係個面灑上可可豆碎屑, 因為我沒有, 所以我什麼也沒加.......若想加的話, 我想可以加入切碎入爐巧克力粒
若果用金屬模具, 必定掃油撲粉.....只係掃油, 都會黏底, 難以脫模~
出爐後, 要立即倒扣, 否則會縮得好勁.....
每個爐的性質都不同, 我用我o個個微波爐+焗爐為一体的爐要用180c 焗成10min, 玫瑰要用190c 焗成15min.........所以時間要自己控制........

失敗換來的美味 (附食譜)

上一個POST 咪話過, 我整左個CAKE BASE 係巧克力味, 我以為佢失敗, 整左第二個咖啡味.......

今日切左個以為失敗的巧克力布朗尼......原來係成功KA~
為左慶祝佢的成功(明顯的藉口), 食完飯即刻標去樓下的WELCOME, 買左盒H 記STRAWBERRY 味雪糕, 特價仲要送果汁......

咁LEE 個以為失敗的蛋糕咁切開左四份, 成為我們一家的甜品~~
做法好簡單, 先用微波爐叮10-20 秒個蛋糕, 等佢熱熱地。之後用匙更"筆"一大個雪糕球, 放係蛋糕上面。切一粒大草苺(有左佢冇咁漏, 其他生果都可以取代, 但係要配古古力味), 擠一D 巧克力醬就得LA~~

用甜品醬會好D.......但因為屋企冇, 加上上次整馬卡龍, 剩左D 巧克力軟心, 所以擠埋落佢LO~~
味道當然一流.....鬆散的蛋糕, 配合一粒粒的合桃.....加上溫暖的蛋糕配上冰凍的雪糕, 一冷一熱......嘩, 難以用筆墨形容呀~~!!!!!!!!!

其實LEE 個甜品係抄我成日去的牛排屋入面一個甜品, 叫CHOCOLATE THUNDER..........
佢係底係一舊熱辣辣的CHOCOLATE BROWIES , 加上一球大的雲呢拿雪糕球, 再係上面有一球CREAM, 淋上熱熱地的巧克醬..........雖然幾漏, 但我超中意食~~~

巧克力布朗尼蛋糕(6" 正方形模)
材料:
黑巧克力 65% 55G
軟牛油 100G
蛋 80G
糖80G
低勱麵粉 40G
可可粉 8G
杏仁粉 20G
合桃碎 40G
做法:
1. 將蛋和糖拌勻
2.將黑巧克力切碎, 隔水坐溶。拌入軟牛油拌勻。
3. 加入1.到2. 中拌勻
4. 倒入麵粉拌勻。拌勻後, 加入杏仁粉和合桃碎拌勻, 放入已放牛油紙或已掃油的模中。
5. 放入焗爐170C 焗12-15min.
(如要在蛋糕面上放上合桃裝飾, 另備4.g 左右的合桃碎)

咁多年來最失敗的一個蛋糕

它怎樣失敗??
我先講解佢身體各部分....
首先, 咖啡合桃布朗尼蛋糕做蛋糕底.......
第二, 巧克力榛子慕思.........
第三, 巧克力裝飾, 包括鏡面, 圍邊同巧克力塊......
整個蛋糕, 我認為成功係d 生果, 其他的好失敗.........

失敗排行榜第一位係我揀錯食譜。lee 個蛋糕係選自<<巧克力迷>> lee 本書。我從來未整過lee 本書入面的食譜, 就膽粗粗整人地的生日蛋糕......係咪大膽左d 呀~~

失敗排行榜第二位係個mousse....第一, 我跟足食譜做, 一d 都唔甜, 都唔知我做錯定食譜有問題.......佢話用無糖的榛子醬, 出左黎一d 甜味都冇, 靠害!!

失 敗排行榜第三位係個裝飾.....巧克力圍邊用錯膠片, 用左隻硬左d, 我應該用係朝日買回來的......失敗!!!個巧克力牌應該用黑力, 唔好用白力.......失敗!!!! 個鏡面係唯一成功d, 但係淋上個cake 度的溫度應該低少少好d.......因為我照足食譜, 35c 倒入去, 遮唔到醜......但味道不錯~~~之不過, 我浪費左好多, 下次煮少d 先得~~

失敗排行榜第四位係個cake base......首先佢唔係本身失敗, 佢係人為失敗........個base焗唔熟就拎左佢出來...雖然我搵左牙籤"吉"過, 但係個底好濕.........我唯有放番入爐焗多陣......第二個失敗, 我以為我第一個做的巧克力味失敗左, 做左個咖啡味........點知個咖啡味仲差, 好易散.........
lee 個蛋糕, 送比人真係有D 對佢唔住~~~

LOK MAN, SORRY 呀!!!!!

Marble Cake 雲石蛋糕 (附食譜)

我一共做了六個這個蛋糕.......是上星期五, 我們一班舉辦五月份的生日會。我做給他們的生日禮物.....

說實話, 我第一次做這個食譜, 都不知好不好吃, 就送給人........

原本想送香蕉合桃蛋糕ka, 但失敗左。失敗的原因, 唔係唔好食, 係樣衰..唔見得人......

食譜係改編至四季甜品 高木康政著

食譜如下︰

材料: (模具: 類此這個模具http://www.bakingwarehouse.com/984b.jpg 6個)

無鹽奶油 100g

糖 80g

蛋 100g (約2隻)

蜂蜜 7g

牛奶 14g

低筋麵粉A 54g

泡打粉 A 2g

低筋麵粉B 50g

可可粉B 4g

泡打粉B 1.5-2 g

合桃粒 50G

準備: 預熱焗爐180c, 粉類A 和粉類B 分別過篩

做法:

1. 牛油和糖打發至奶白色，分幾次加入蛋汁, 混合均勻。

2. 加入蜂蜜拌勻

3. 加入牛奶拌勻

4. 將麵糊分開一半，分別為麵糊A 和麵糊B。粉類A 加入麵糊A 中混合均勻。粉類B 加入麵糊B 中拌勻。

5. 將兩種麵糊分別放入擠袋中，在模具中擠出大理石圖案, 當中放入核桃粒, 約擠至模具七至八成滿。

6. 放入焗爐焗30分鐘。出爐後脫模, 放左架上放涼。

更正提示: 圖中的蛋糕名稱是串錯了, 不是mable cake, 而是marble cake.........

Macarons Au Chocolat

Macarons Au Chocolat 個名係咪好型呢......其實係藍帶書入面佢的法文名黎ja~~
lee 個東西整左三次先叫成成地功......點解呢?? 佢得個樣, 好扁, 因為打蛋白唔夠.....
lee 個東西好考技巧.....研究不足, 導致度頭二次的失敗.......

失敗作:

失敗原因: 因為研究不足, 我只係看左bea 的blog 就膽粗粗去整......搞到攪拌不足, 好鬼杰.....出左黎裂開晒......
吸取兩次失敗, 發現打蛋白要忌廉狀, 打蛋白的糖要分幾次下。仲有, 加入糖粉杏仁粉要分幾次加入，加晒後要fold 度一個有光澤的麵糊.....

食譜:
http://hk.myblog.yahoo.com/bea-desserts/article?mid=2434
入去看看, 仲有好多技巧學ka~~

卷之練習二 - 芒果栗子卷

又是練習呀~~
我今天足足買了12個芒果, 為後天的作品預備.......
今次我做了普通的蛋糕底, 軟綿綿.......
麵粉用了54g....焗的溫度180c, 焗15min, 再以140c 焗3-5min....這樣, 個面會有漂亮的顏色~~
栗子餡就改編至朱古力謎, 用了200g  栗子蓉, 120g 打到7成度的cream, 和7g 的橙酒攪勻.....
就以這個卷卷來說, 太多餡料, 所以我想150g 栗子蓉, 100g cream 會比較好, 因為少d 同味道濃d~
上面的擠栗子蓉便用了100g 的栗子蓉, 加入打發起的cream, 少少咁加, 加到你喜歡的硬度.....(其實大約10-25g 左右, 不會太多)
味道就未試, 但係我覺得賣相ok, 話晒自己的作品嗎~~
卷卷入面有芒果肉ka~我將一個芒果切成條狀, 做芯....另一個切成粒狀, 小粒鋪起中間同尾部, 大粒放上蛋糕上做裝飾~

卷之練習一︰巧克力香蕉蛋糕卷(附食譜)

這是為母親節預備的練習啊~~

這一個蛋糕有少少失敗....失敗的不是蛋糕底, 是cream 呀~~
我 做的時候只記得100g chocolate, 100g chocolate, 但唔記得左cream 的份量, 又冇睇番.....變成100g chocolate +100g 打到五成的cream......出左黎似咩?? 同牛油硬度有得揮的粗酷cream lo.....我唯有加d liquid 的cream, 看看會唔會變番滑.....太好la, 攪下攪下, 佢變番滑......真失敗......
塗cream 時又唔記得開頭要多d d cream, 到有少少空洞, 看右下的那張就見到.........
不過, 真係好好味, 蛋糕軟綿綿, 巧克力味濃...正~~
希望老師們會喜歡la~因為我諗住送比佢地, 多謝佢地抽時間, 犧牲自己的空堂, 幫我地練oral~

食譜:
香蕉巧克力卷 (改編至分享快樂的蛋糕卷&蔡師奶的日本棉花蛋糕)

蛋糕底:
牛油40g
巧克力奶 54g
糖 60g
低筋麵粉 49g
可可粉 10g
蛋 4隻
鹽 少許

餡:
66% 巧克力 100g
鮮奶油 200g
糖 10g (可以不下, 如果你的巧克力是甜的, 因為66% cocoa 的巧克力都頗苦)

焗爐:
Panasonic NN-GS 595A
樣子可以參考lee 度:
http://www.panasonic-hk.com/ha/productdetail.asp?section=FP&category=MO&language=chinese&productID=NN-GS595A&count=1

做法:
蛋糕底:
1 ) 按oven 模式, 按至180c 預熱 (普通焗爐用160c 就ok)
2) 牛油置煲中以慢火煮滾後熄火，加入低筋麵粉和可可粉拌勻, 用刮刀分兩三次搞勻，再下巧克九奶(分兩三次加, 每一次都要搞好先下第二次), 然後加入 1隻全蛋和3隻蛋黃(已經預先輕輕攪勻)慢慢攪拌(分幾次落)至完全混合滑身，無粒狀備用
3) 3隻蛋白打發至起泡，下鹽及砂糖分三次加入，直至呈現角狀即可
4) 蛋黃漿分兩次拌入蛋白中而fold-in形式輕輕混合至均勻，然後倒入已舖上牛油紙的焗盆中，雙手提起焗盆在桌上輕敲一下使空氣排出
5) 置於焗爐中層焗12分鐘，轉140度再焗4分鐘出爐後並馬上移出倒扣放在鐵架上待涼, 散熱後, 用烤紙蓋好, 備用
餡料:
1.       將巧克力切碎, 放入乾身的盤子內。
2.       將其中75g 的鮮奶油煲滾, 熄火, 3 秒後倒入巧克力內
3.       將餘下的鮮奶油打發至5成狀
4.       將2 的巧克力醬倒入3中, 攪拌即成
5.       香蕉脫皮後, 切去頭尾尖端的部分, 塗上檸檬汁

卷法:
1.       把烤面朝上, 放上新的卷紙上, 塗上巧克力餡料, 開始的部分要比平時塗厚一點, 因為要用巧克力醬包起整條香蕉, 否則會做成空洞
2.       把香蕉排成一列, 捲起
3.       捲起後, 用卷紙包好, 放入雪櫃雪至少1小時