豈能戒甜AGAIN! 南瓜吉士卷

最近, 我終於開學了......
不過上課時間跟我以前的大大不同, 要在晚上上課, 還要在我吃飯的時間上課.....
晚餐是需要的, 所以決定了做些方便攜帶的糕點, 再加一杯latte, 就是我最愛的晚餐了....
而今晚的就是它~~



南瓜吉士卷
這是仙姐的食譜, 她的食譜真的好好, 真的是「仙姐出品, 實屬佳品」
不過我不是做的好好, 因為我忘記加熱牛奶牛油溶液......
拌好了蛋糊, 倒了入焗盤, 抹平後才忘記在廚房加熱的牛奶牛油溶液.....
所以可能是這樣, 比較粗糙, 但是今天吃還是很鬆軟!

而餡料因為做了很多蒸熟南瓜, 所以做完吉士醬, 拌入擠袋, 擠一行圓圓的南瓜蓉在中問~
那些南瓜蓉有一些南瓜皮, 因為仙姐說南瓜皮可以吃, 所以去皮時, 都留少少~~
南瓜蓉, 我是用日本的千葉懸的南瓜, 橙一點, 味道都幾濃味~~

最後多謝各位同學品嚐我的東西~~

P.S. 原本做了橙色的macaron 來配個南瓜吉士, 可惜失敗了, 沒有裙邊, 又做得太稀, 不能出鏡.....
P.S.2 同學不嫌棄醜醜的失敗品, 感動~

"DUMP"懶左個身 - 椰汁南瓜煮牛肋條

LEE 幾日等開學, 每日訓左十個鐘, 無咩做, 每日都係FB.......

今日只係上網為星期日幫人補習做準備, 連做蛋糕的心情都DUMP 懶左.....

所以LEE 幾日都係靠LEE 煲野送飯.....



LEE 個係椰汁南瓜煮牛肋條

有一日望住罐椰漿, 諗「不如倒入去煮南瓜, 加點牛肉做餐有南洋風味的餸都唔錯BO」

那天的一試, 咁就成為左最近成日煮的晚餐飯餸之一啦~

牛肋條係超市的急凍貨, 返來解凍, 將一大條的牛肋條切成細細舊, 用生粉, 油, 水同椒鹽醃一陣, 放入煎PAN 煎一煎便可以放入去煮~

將薯仔切粒, 加入1罐椰漿煲一陣, 加埋煎好的牛肉, 加些鹽, 煲到薯仔淋, 放入切件南瓜, 煲到南瓜軟身, 最後倒少少淡忌廉攪勻煲滾, 搞掂~

半個鐘多點就煮好, 又可以食幾餐~ 唔中意牛肋條, 可以落滑牛, 可以落排骨, 肉片, 不過落咩都好, 都要醃一醃, 炒一炒先~

我超中意吃南瓜, 所以我煮咩對南瓜都有要求~
日本南瓜最啱清蒸或者煲湯, 因為咁樣先可以吃到南瓜本身的香味~~
本地好長O個D 南瓜, 又平又粉, 煮一陣就會淋晒, 軟晒身, 我最中意用佢黎炆野煮餸, 因為我吃唔係吃南瓜本身的味道, 而係吃南瓜粉粉的口感, 味道就係靠汁料~
我都試過圓形橙色的外國南瓜, 但係味道比本地濃少少, 即係比無咩味道的本地薑好少少, 而且橙色的南瓜個色橙一點, 本地的黃一點, 但係價錢就貴D 啦, 由十幾蚊到廿幾蚊一個都有, 我自己煮野用都係中意本地薑, 因為又平又粉, 一句話「抵食夾大件」
日本的, 睇阿媽幾時煲湯, 等佢買啦~~

講番正題, DUMP 懶左個身, 只係醫左自己肚, 之後咩都唔想做.....
只係想上網睇電視......
十二點的舞動奇蹟, 二點的真情, 三點的發爛炸, 六點的美少女戰士....
雖然幾開心幾寫意, 但係好想被好多野霸滿個時間表呀~~唉, 我都係「妹仔」命KA LA~~

豈能戒甜系列- 插曲 - 藍莓蛋糕卷(附食譜)

做仙姐的藍色歌劇院蛋糕用剩左好多牛油忌廉.......

倒左佢又浪費, 不如整卷蛋, 可以做早餐下午茶~~

用左小山師傅係「好吃的西點蛋糕祕訣」的小山蛋糕捲的蛋糕體食譜~

用佢的原因係因為我唔使計VOLUME.......懶......

佢個食譜係做一個30X30 的正方體蛋糕片, 而我個焗盤係28X32 的長方體, VOLUME 一樣.....HAHA~~

不過佢用好多蛋的食譜, 但係質感好柔軟細緻, 雪左一晚好似冇雪過咁, 而且個蛋糕味道不太甜, 配埋有少少果味的牛油忌廉同少少藍莓粒( 因為加左一藍莓), 超好味道的早餐~~

我個人原因啦, 卷蛋一定要配牛油忌廉, 因為我好中意吃硬硬地, 入口即溶的感覺, 配埋軟綿綿的蛋糕體~~一流~~

個牛油忌廉, 我加左餘下的義大利蛋白霜, 之後開高速打勻, 開低速會油水分離, 個質感超噁心......

--------------------------------------------------------------------------------
30x30 cm 的方型蛋糕體
來自小山進老師的「好吃的西點蛋糕袐訣」

蛋黃  120 g
白砂糖 15g
蜂蜜  30g
低筋麵粉 70g

蛋白 160g
白砂糖 65g

無鹽奶油 15g
牛奶 35g
(混合一起加熱至將沸騰狀)

牛油忌廉, 藍莓

1. 蛋黃和白砂糖混合, 加入溫熱的蜂蜜, 打發至奶白色
2. 蛋白分三次加入白砂糖打發至企身
3. 在1中加入一半的蛋白霜, 輕輕拌勻, 加入已過篩的低筋麵粉, 用刮刀拌勻, 加入餘下的蛋白霜, 最後拌入牛奶奶油混合物
4. 倒入已鋪底紙的蛋糕盤, 抹平
5. 放180c 的焗爐13-15 分鐘
6. 出爐後放上烤架上除底紙四邊, 除高熱, 之後放上一張捲紙蓋面, 待涼後可塗上牛油忌廉和水果, 利用棒子幫助下捲蛋糕捲。

豈能戒甜系列︰歌劇院變了千層糕?!

貪心啦,貪心做多一層, 搞到鬼死咁高.....
又唔落多點糖漿, 搞到層次分明.....
好彩這個食譜來自仙姐手筆(豈能戒甜), 個樣衰d 但超級好吃~~~

下次有經驗, 會落多點糖漿, 用三片蛋糕.......咁就唔會就藍色歌劇院變成藍色千層糕......

仲有仙姐超聰明, 個蛋糕底掃一層巧克力, 之後就超方便切同搬運~~~

個紫色, 真係好靚, 尤其是個淋面, 不過對我來說個淋面有點甜, 下次轉個隻白巧克力, 今次用FELCHILIN
, 下次試下用v 記~

PS 整左四個鐘, 冇想像中咁難整, 唔錯~~

新學年, 新開始!!

一個階段的結束是另一個階段的開始........
學士完結, 碩士開始......
戀情完結, 單身開始......
現在什麼事都重新來過吧~~
所以我要整頓一下我的懶蟲, 整頓下我的網絡世界旳博客~~


雖然我的文筆一點不好, 但是我還想寫下去........

法式草莓蛋糕 - Fraisier (附食譜)

我一直想做FRAISIER 這一個蛋糕好耐.......

但係每一次見到食譜入面的牛油份量, 就算啦~~

難得番CROSSROAD, 可以同大家一齊分享, 食1/8 件, 牛油量就唔會好多啦~~

又難得士多啤梨當做呢~~

味道好香好濃, 剛剛係雪櫃出來, 硬硬地, 啖啖牛油香( 好罪惡的味道), 放軟之後, 味道好香好滑, 軟硬各有不同魅力~~

食譜用左法國藍帶糕點應用那本書, 但個面就用義式蛋白霜, 沒有用甜到死的杏仁膏

食譜:
杏仁海綿蛋糕
全蛋   4個
細砂糖 80g
低筋麵粉 52g
杏仁粉  28g
融化牛油 32g

將全蛋加熱至人體溫度, 加入砂糖打發至質地濃密泛白, 加入已過篩的低筋麵粉和杏仁粉, 加入融化牛油拌勻, 倒入鋪了紙的烤盤, 用抹刀抹平, 放入焗爐180c 焗15min

Creme Mousseline
粉忌廉
牛奶  130g
香草莢  1/6 支
蛋黃  1個
細砂糖  32.5g
高筋麵粉  13g
無鹽奶油  10g

將牛奶和香草莢一起加熱。蛋黃, 糖和高筋麵粉拌勻。熱牛奶倒入蛋黃混合物, 加熱至濃稠, 倒入盤中加入奶油拌勻。

黃奶油
細砂糖  82g
水  26g
蛋黃  3個
無鹽奶油  293g
櫻桃酒KIRSCH  15-20g

將糖和水加熱至120c, 然後, 邊倒入蛋黃中, 邊打發至蛋黃冷卻。加入已打發成膏狀的油中, 加入粉忌廉拌勻, 之後分數次加入櫻桃酒

塗抹用糖漿
30度糖漿 100g, 水, 櫻桃酒 15g

草莓

組合:
蛋糕底上面塗抹糖漿, 擠上奶油慕斯, 放入一粒粒草莓, 擠上餘下的奶油慕斯, 填滿所有空間, 放上第二片蛋糕片, 塗抹糖漿。然後, 塗上一層薄薄的奶油慕斯。 擠上義式蛋白霜, 用火槍燒至焦色, 然後塗上光亮劑

PS: 開火槍超好玩, 不過要小心四周的東西~~
PS 2 草莓的大小要適中, 每一粒放入蛋糕中的草莓都要抺乾水分
PS 3有時候我都會貪平用有鹽牛油, 但這一個蛋糕一定唔可以用有鹽奶油, 因為我做過一次用有鹽奶油, 超級難吃, 所以一定要用無鹽牛油~
PS 4 吃的時候, 放軟一點點會好吃一點, 而且配上一杯熱茶或者咖啡, 十分滋味~~