Coquant with Crispy Nut 香脆堅果杏仁餅(附食譜)

材料簡單, 用做檸檬撻餘下的一個蛋白做的......
但因為那個蛋白太少.....計錯數, 多了30g 果仁.....
不過錯有錯著, 出左黎, 無咁甜, 又香脆~~

食譜係來自一本我買左好耐都冇整過的書.....
<好吃的西點蛋糕祕訣 小山進>

錯有錯著的食譜:
材料:
蛋白 30g
白砂糖 30g

(a) 低粉 12g   白砂糖 30g   杏仁粉 25g

果仁(我落左榛子, 杏仁同開心果, 原本係93g) 125g

1. 將果仁放入焗爐以180c 焗6min
2. 將果仁切碎或放入食物處理機中攪碎
3. 將麵粉過篩
4. 將蛋白打至起泡, 分十次加入白砂糖打成菱角狀
5. 加入a 拌勻
6. 加入果仁拌勻
7. 用叉子將麵糰放入有烤紙的烤盤中, 攤開成1cm 厚5cm 闊的大小麵糰, 放入爐中以160 焗10min, 150焗5min, 140焗5min
8. 烤好後放左烤架上去除高熱

一口鳳梨酥(附食譜)

我想做這個很久...但是我覺得如果餡是買回來不好吃的話, 就算皮是很酥酥都沒有用.......所以我想連餡料都要自己做才行......
但是我家的攪拌機被人拋掉了.......
所以買了個新玩具 - HAND BLENDER
很快很快將一罐菠蘿連果汁攪拌成蓉.....
用少許果蓉將60g 粟粉拌勻, 將入果漿內, 加入砂糖拌勻, 放入微波爐加熱....
我叮了一分半, 攪拌後, 又叮一分半, 又攪拌數下, 又叮三分鐘....
出來是液體狀的, 冷郤了會變成這樣了~~

重量大約六百多克~

之後做了皮~~

我試了很多不同的比例....
大的模子是5cm  X 4cm X 1.8 cm (H)
開始時用了, 22G 皮, 19G 餡, 不過加多餡, 焗的時候脹起來, 裂了起來......切開的時候, 真的是" 皮薄餡靚".不喜歡....
之後用了20G 皮, 16G 餡後, 好得多, 平坦了, 也沒有什麼裂紋~
上面的是開始時, 多餡料的
下面的是連著模, 20g: 16g 的分量


之後做了很多一口SIZE 的鳳梨酥
一口的模子是: 3cm X 3cm X1.8cm
跟著我的口味, 皮跟餡的比例是9g 皮: 5-6g 餡

因為開始包的時候, 很容易裂開
所以我將麵糰放左保鮮紙上, 壓扁, 邊邊要比較薄, 中間要比較厚....
中間放上餡料, 利用保鮮紙包上, 扭一扭, 成一圓球, 放入模中, 用手壓平, 再慢慢推出, 便成型的啊~~~

有些人說要連模焗, 有些人不連模......
所以我做了實驗, 看看連模和不連模的成品的不同
實驗圖:

脫模焗比較隨意, 四邊不規則........
連模焗呢, 比較規則, 像街做的, 少了一點親切感......
加上連模焗要買很多模, 不值得........

還有一點要紀錄的是
FOR 一口SIZE: 用170C 焗 15 MIN 之後返轉再焗15 MIN, 兩面都會上色同比較平坦, 會好一點~

食譜是用周老師的鳳凰酥食譜:

鳳梨酥　32個

材料：

軟化奶油………………200克

糖粉……………………60克

蛋…………………………1個

奶粉……………………60克

低筋麵粉………………300克

鳳梨餡…………………700克

做法：

1) 做皮：奶油加糖粉攪打均勻，再把蛋加入攪打到均勻融入。

2) 奶粉和低筋麵粉篩入，起司粉加入，一起攪拌成柔軟的麵糰。拌勻就好，不要過度攪拌。搓長，切成32小段。

3) 鳳梨餡搓長切成32段，各包入1/4個蛋黃，揉圓。

4) 完成：取一個麵糰，壓扁，包入一個鳳梨餡，揉圓，放入模子中壓成方塊

5) 烤箱預熱到175℃，放上層烤約20分鐘即可。

給大win 女兒的生日蛋糕 - 栗子蛋糕(附食譜)

我第一次做自己設計做型的蛋糕............
我做得到了~~
我用電腦print 了一個個的1 字試..........
用左栗子慕斯和巧克力曲奇餅做餡料
面上擠上栗子蓉..........
雖然技巧不是很好, 有一點曲曲的..........但感覺上都很不錯~~~

蛋糕底是用上了蜂蜜蛋糕, 用0.4065 的份量, 170c 焗25min.........
做這個蛋糕底的時候, 做了一件好蠢的事.........
本身去計用0.4 的量時, 因為要夾栗子餡, 所以己經減了少許糖.........
而 真正做的時候, 又忘記己經減了糖, 又減多一次.........做成打了一個小時都未發起, 後來加了些許糖才起來, 但是都做不到0.5 比重的, 0.6 就放了入爐....因為都打了一個半小時了.....出來的都軟, 不過25 分鐘太久, 因為薄, 所以我想15-20min 已經可以了~~~

那個栗子慕斯是我自己想的.........都是左參考右參考下做成的~~
用了150g 栗子蓉和150g 甜忌廉, 10ml 鮮奶, 5g 魚膠片。
魚 膠片泡水放軟，之後放入鮮奶中, 放入微波爐叮至溶解(註: 10 秒10 秒咁叮, 每次叮完都攪拌一下。甜忌廉打至六分。栗子蓉攪拌軟滑, 加入牛奶魚膠, 攪拌，分兩次加入甜忌廉, 攪拌成慕斯狀。將栗子慕斯塗上蛋糕片上, 加上栗子粒粒和曲奇餅碎，塗多一層薄薄的慕斯, 蓋上蛋糕片。放入雪櫃冷凍

四周上打起至可擠花程度的甜忌廉, 在蛋糕四周薄薄的抺一層, 面用150g 栗子和60g 的打至六分發的甜想廉拌勻, 擠上蛋糕面, 四周用甜忌廉拈上杏仁片(預先用160c 焗8min ), 四周擠上甜想廉作圍邊。完成

今天她收到了, 很開心的啊~~

餘下了些材料, 所以做下五杯的栗子杯..........



感覺很好味的啊~~~

Macarons Au Chocolat again

上一次老公豬生日的時候, SHELL SHELL 講過佢中意吃MARCOONS, 所以佢生日做左比佢。
我用的食譜都係阿B 的食譜。
餡料則用61% 同85 % 的巧克力MIX, 加入40% 的暖淡忌廉同少少溶牛油。
一定要暖..........過熱的話, 巧克力有油分離出來......唉........
不過係口感冇咁滑, 味道都係一流~~苦苦的巧克力加上甜甜的MARCOONS, 正!!
食譜: from 阿B
杏仁粉: 50g
粟粉: 6g (可可味: 改為6G 可可粉
糖霜: 76g
(將以上粉類過篩備用)
蛋白 : 46g
砂糖: 46g
將蛋白打至起泡加入糖之後打成忌廉狀
之後就可以將過左篩既粉類加入, 拌勻.
再將糊用唧袋在牛油紙上唧成圓型大概2cm直徑一個, 之後就可以預熱焗爐 180度. (我焗爐本身有預熱製, 所以我唔知幾耐, 大概應該係8分鐘左右)
預熱完 後, 就可以入爐, 最低一層, 即時降至150度先焗10分鐘, 係將近10分鐘時, 大裙邊會出現, 此時就可以再降溫至120度焗至外脆內軟, 5分鐘後再降至110度再焗5分鐘可以出爐啦~ 立即用凍水在牛油紙底下掃幾下, 就容易d甩個macaron出黎啦~
記住: 每個爐既爐溫不同, 你地自己要調較一下啊~

第一次做的蜂蜜蛋糕

今天做的.....
一直想做好耐好耐.....
買左個木框好耐好耐......
但係我發現原來我個手提打蛋器打唔到十隻蛋, 用唔到木框........
所以用左食譜的一半, 用左吐司模做...
可惜, 我又爆面....
不過蛋糕的組織好似唔錯, 幾細......
不愧我打左蛋糕糊足足半個鐘度, 累到死........
又要量比重, 我打到個比重去到0.51/0.52.......
唔知明天回潤會點呢~~
我吃左小小個頭, 黃色的蛋糕幾軟, 棕色的皮有點乾硬........

食譜來自周老師的SP 蜂蜜蛋糕
入面有好多提示, 講如何做好蜂蜜蛋糕......
我的土司模蜂蜜蛋糕用左1/2 的分量......
我會下次試下用唔同的蜜糖試,,,,,

脫皮的輕乳酪蛋糕

用周老師的食譜做, 材料簡單~~但是做法都有點技巧~~~
因為我雪左好耐個麵糊都唔覺得杰......
因為爐溫又難控制, 又爆面, 又脫皮........
樣衰又失敗, 所以比左媽媽比左老公吃算lu~~
好味但好漏lo.....

法式焗檸檬撻

因為長時間冇得雪, 所以我做左這個檸檬撻, 誓要請大家吃檸檬, 哈哈~~
我做個餡的時候, 用左打蛋機打勻, 起左好多泡, 雖然"拔"走左好多, 但仍然有泡, 焗左出來有一片白色.......
好彩這個世界有糖霜, 所以蓋住左LU~~~
檸檬好清新, 一點都不漏~~~
食譜來自TONY WONG 的五星級蛋糕甜品
都冇咩點改, 只係由九寸變為七寸, 食譜的材料分量/1.5
注意的事: 個撻皮要雪耐一點, 因為牛油多, 一軟就要雪一下, 硬D 先可以上模
                  做檸檬餡, 不要用打蛋機打勻, 以打蛋器, 用不會攪出泡泡的情況下, 攪拌
                  蛋黃一定要掃, 由邊邊, 底底同面面掃