天使蛋糕(附食譜)

天使蛋糕, 一直我認為都是全蛋白做的白雪般的雪芳蛋糕......
自從美心推出了之後, 那就是塗了忌廉, 很普通的雪芳蛋糕, 加了焦糖脆脆...
美心的那個蛋糕賣一百幾十, 成本只不過三十左右......
你看美心賺幾多呀......
美心那一個我就沒吃過, 但我見到有網友做了, 便有興趣做了~~
做一個雪芳蛋糕只要一個小時, 做個脆脆只是兩三個字, 打個忌廉都是幾分鐘的事~~
總之做一個天使蛋糕, 都是兩個小時內的事情.....
今晚同媽媽吃完, 真的是很好味的~~
軟綿綿的蛋糕, 有脆脆焦糖味~~一流~~不過下次中間放多d 脆脆, 等佢吸水變成焦糖cream 可能會好一點~
做法是參考好吃的戚風蛋糕輕鬆上手和Shirley 的blog~
蛋糕:
蛋黃 3個
砂糖 70g
沙拉油 50ml
水 50ml
奶粉 5g
低筋麵粉 80g
蛋白 4個份
香草醬 1茶匙
1. 水和奶粉拌勻加入香草醬, 拌勻, 加熱至50c
2. 蛋黃和1/3 的糖拌勻, 分數次加入沙拉油, 每一次都要拌勻才可以加下一次, 之後加入(1) 和過了篩的麵粉, 拌勻。
3. 另一個攪拌盤入面, 放入蛋白, 打至起泡後, 一次過打入沙糖, 加至堅挺的蛋白霜
4. 將部分的蛋白霜, 和蛋黃麵糊拌勻, 再將蛋白加入麵糊中, 徹底拌勻。
5. 放入模中, 用匙搞一搞, 放入180C 焗爐焗30min.

焦糖脆脆:
白砂糖 100g
葡萄糖漿 25g
水 25g
梳打粉 5g
做法: 將糖和水開火煮焦糖, 一出現微黃色, 熄火, 加入梳打粉, 快手拌勻, 倒入有焗爐紙的盤中, 放涼後, 即刻放入密實袋中, 輕輕敲碎。一定唔可以 同空氣接觸, 因為會好快變焦糖醬。

忌廉用愛護牌的甜忌廉, 中間夾心放入打到變左粉的焦糖脆脆
吃時放上脆脆變可以~~

我很醜, 但我好鬆軟 - 紅莓優格蛋糕(附食譜)

我雖然很醜樣, 但係我很好味的~~~

我的主人全家都說我超鬆軟, 一口一口地吃我下去, 兩日以來, 只餘下五分一個了......

你們看看我~~



組織多細密呀~~~那些紅莓乾分怖都ok, 但是大顆了少少, 下一會叫主人切細它們好一點點~~~

我大有來頭ka~~~

點解~~因為我主人為左恭喜佢細佬會考得五分......

唔好以為佢細佬考得好差, 其實佢只係考一科, 因為佢中六七讀會計, 所以考番會計這一科, 挑戰自己, 那麼, 利害的他, 讀了一年會計, 便拿五分~~~為佢的會考總分增添一分~~~我的主人是一個好姐姐, 當然做個蛋糕給佢啦~~~

食譜:( 來自 好吃戚風蛋糕  輕鬆上手)
材料:(17cm 的戚風蛋糕橂)
蛋黃 3個    砂糖80g    沙拉油  40ml    檸檬汁  1 小匙   原味優格 80g   低筋麵粉 80g   蛋白 4 個
紅莓 60g
做法:
1.  蛋黃, 三分一份的砂糖, 油混合, 加入優格和檸檬汁混合拌勻, 加入已過篩的麵粉, 用打蛋器混合攪拌勻至光滑。
2. 蛋白和餘下的砂糖打發至蛋白霜
3. 先拌人三分一的蛋白霜至1 的蛋黃麵糊, 加入剩餘的蛋白霜, 混合裹上麵粉的紅莓, 用刮刀輕微混合
4. 例入蛋糕模中, 以180c 焗30分鐘

打風都打唔散的豆腐 - 豆腐雪芳蛋糕(附食譜)

北冕來港, 八號波左一整天, 唔使返工~~

唔使返工, 又唔出得, 做咩好, 利用家有的材料, 做蛋糕~

家有一件放左好奈的貴價日本豆腐, 點解佢被人放咁耐, 因為我爸媽都以為係唔好食o個隻味的豆腐, 但係其實佢係超香豆味, 超滑的豆腐~~~

我就用左一半整左豆腐雪芳la~~

這一陣子, 愛上做雪芳, 邊叫本書超吸引, 出品成功率又100% wo~

睇睇個質地幾細嫩~~~

似足我皮膚(哈哈, 讚下我自己先)



佢好白淨ka, 但係我家用黃燈泡, 所以我夜晚影親的相都係黃黃的.......

食譜:( 來自 好吃戚風蛋糕  輕鬆上手)
材料:(17cm 的戚風蛋糕橂)
蛋黃 3個    砂糖80g    沙拉油  40ml    絹豆腐 120g   低筋麵粉 80g   蛋白 4 個
做法:
1.  絹豆腐用打蛋器攪爛, 加入蛋黃, 三分一份的砂糖, 油混合, 加入已過篩的麵粉, 用打蛋器混合攪拌勻至光滑。
2. 蛋白和餘下的砂糖打發至蛋白霜
3. 先拌人三分一的蛋白霜至1 的蛋黃麵糊, 加入剩餘的蛋白霜, 以不消泡的方法, 以刮刀fold in 混合
4. 例入蛋糕模中, 以180c 焗30分鐘, 出爐倒扣至涼