又到聖誕~又到聖誕~ 薑餅屋(附食譜)

YEAR 1 的聖誕, 去了海洋公園~

YEAR 2 的聖誕, 搞D 咩呢~~

我地搞左" BIOCHEM CHRISTMAS PARTY"~~~

我做左好多好多GINGERBREAD 人仔同一間GINGERBREAD HOUSE 比大家~~~



但係我懶豬豬, 用做人仔的麵糰做埋屋...........

記著呀~~人仔的麵糰唔可以做屋KA~~
因為人仔的麵糰比較乾, 焗左出來比較脆身, 容易難~~,要砌間屋的難度高好多.......
當爛左的時候, 要有好多耐性等D 膠水乾(蛋白1和糖霜做的膠水)......


人仔我做多成四十二包~~每包兩個~~~
食譜來自西點學習百科 - 香辛料餅乾

材料:
無鹽奶油 100G
三溫糖(可以到CITYSUPER 買, 但我沒有, 我用了60%BROWN SUGAR, 40%白砂糖) 60G
鹽 少許
蛋汁 1 大匙 (大約1/4 隻蛋)
低筋麵粉 200G
泡打粉 1/4G
肉桂粉 2小匙
荳蔻粉 1/2 小匙(我沒有荳蔻粉, 但我有MIXED SPICE, 所以我下了1 小匙 MIXED SPICE)
粗粒黑胡椒粉 少許

做法:
1. 牛油切粒, 放在室溫下變軟
2. 低筋麵粉和泡打粉過篩兩次
3. 牛油打軟, 分三次加入砂糖, 用攪拌器打至膨鬆變白
4. 加入鹽和蛋汁拌至均勻(如倍大分量的話, 蛋汁一定要分數次加入, 每一加入都要拌勻)
5 加入香料拌勻
6. 加入粉類, 用刮刀以切拌方式攪拌至材料中沒有白粉。之後, 用手握成一糰, 放入膠袋中, 放入雪櫃中, 鬆弛15MIN.
7. 取出, 用麵棍撖至3MM 左友的厚度, 印上薑餅人模, 放入己鋪烘焙紙的焗爐中, 170C 焗10-20 MIN(以大小而定)

註: 這個麵糰比較乾, 放在室溫久一點, 會易幹一些. 如果幹麵糰時黏棍, 可以用高筋麵粉掃一掃那個麵粉棍, 但不要用太多粉.....

糖霜:
蛋白 10g
糖霜 45g

打散了蛋白, 加入糖霜攪拌至適當稠度, 如果不夠稠, 可自得加入糖霜~
放入擠袋, 擠出薑餅人的面貌, 放在架上, 待蛋白糖霜乾燥便可~

講埋間屋啦~~
間屋的食譜來自送禮西點DIY

材料:

牛油 200G
白砂糖 120G
鹽 少許
蛋 2 個
低筋麵粉 400G
(你要有香辛料味道, 自行加香料)

做法和做曲奇餅的差不多, 但麵糰出來幾軟, 要放入雪櫃雪久一點, 最好放入膠袋, 捍平了放入雪雪硬~
要做像磚頭狀的樣子, 用刀或尺, 輕輕界出紋理, 不要太深.....
焗前請掃上蛋汁
用180C 20MIN 左右

屋的麵糰係用紙模CUT 出來~~
屋頂係18CM x 9.5 CM 的長方形
屋身係底13CM, 高17CM 的等腰三角形
地基係18CM 直徑的圓形, 如果你想地下多D 地方裝飾, 就用20CM 模吧~

個窗係用FOX 的糖, 用槌敲碎, 放入焗好多的餅入面(已經CUT 好個洞), 用150C 3MIN, 焗熔佢, 之後, 唔好動佢, 等佢放涼變硬, 就變左隻有顏色的窗

蛋白糖霜: 蛋白90 G 糖霜 320 G(其實份量都幾多, 我都係用60G 蛋白的份量, 黏好間屋同擠晒D 薑餅樣, 仲有一D 剩......)

每黏一塊, 要等蛋白糖霜乾左, 先好黏第二塊, 否則會倒塌KA.......

黏好要扶一陣先好放手等佢乾透

巧克力紅莓蛋糕(玫瑰, 維尼, 心心)

全部都係巧克力紅莓蛋糕~~~但是用了不同的模具做的~~~
我用POOH , 玫瑰和心心~~~

我給低B 一個POOH 做歡送禮物~~~
老公給了玫瑰給低B 和德德, 餘下的, 都比晒老公自己LU~~~

我很醜, 但我好鬆軟 - 紅莓優格蛋糕(附食譜)

我雖然很醜樣, 但係我很好味的~~~

我的主人全家都說我超鬆軟, 一口一口地吃我下去, 兩日以來, 只餘下五分一個了......

你們看看我~~



組織多細密呀~~~那些紅莓乾分怖都ok, 但是大顆了少少, 下一會叫主人切細它們好一點點~~~

我大有來頭ka~~~

點解~~因為我主人為左恭喜佢細佬會考得五分......

唔好以為佢細佬考得好差, 其實佢只係考一科, 因為佢中六七讀會計, 所以考番會計這一科, 挑戰自己, 那麼, 利害的他, 讀了一年會計, 便拿五分~~~為佢的會考總分增添一分~~~我的主人是一個好姐姐, 當然做個蛋糕給佢啦~~~

食譜:( 來自 好吃戚風蛋糕  輕鬆上手)
材料:(17cm 的戚風蛋糕橂)
蛋黃 3個    砂糖80g    沙拉油  40ml    檸檬汁  1 小匙   原味優格 80g   低筋麵粉 80g   蛋白 4 個
紅莓 60g
做法:
1.  蛋黃, 三分一份的砂糖, 油混合, 加入優格和檸檬汁混合拌勻, 加入已過篩的麵粉, 用打蛋器混合攪拌勻至光滑。
2. 蛋白和餘下的砂糖打發至蛋白霜
3. 先拌人三分一的蛋白霜至1 的蛋黃麵糊, 加入剩餘的蛋白霜, 混合裹上麵粉的紅莓, 用刮刀輕微混合
4. 例入蛋糕模中, 以180c 焗30分鐘

打風都打唔散的豆腐 - 豆腐雪芳蛋糕(附食譜)

北冕來港, 八號波左一整天, 唔使返工~~

唔使返工, 又唔出得, 做咩好, 利用家有的材料, 做蛋糕~

家有一件放左好奈的貴價日本豆腐, 點解佢被人放咁耐, 因為我爸媽都以為係唔好食o個隻味的豆腐, 但係其實佢係超香豆味, 超滑的豆腐~~~

我就用左一半整左豆腐雪芳la~~

這一陣子, 愛上做雪芳, 邊叫本書超吸引, 出品成功率又100% wo~

睇睇個質地幾細嫩~~~

似足我皮膚(哈哈, 讚下我自己先)



佢好白淨ka, 但係我家用黃燈泡, 所以我夜晚影親的相都係黃黃的.......

食譜:( 來自 好吃戚風蛋糕  輕鬆上手)
材料:(17cm 的戚風蛋糕橂)
蛋黃 3個    砂糖80g    沙拉油  40ml    絹豆腐 120g   低筋麵粉 80g   蛋白 4 個
做法:
1.  絹豆腐用打蛋器攪爛, 加入蛋黃, 三分一份的砂糖, 油混合, 加入已過篩的麵粉, 用打蛋器混合攪拌勻至光滑。
2. 蛋白和餘下的砂糖打發至蛋白霜
3. 先拌人三分一的蛋白霜至1 的蛋黃麵糊, 加入剩餘的蛋白霜, 以不消泡的方法, 以刮刀fold in 混合
4. 例入蛋糕模中, 以180c 焗30分鐘, 出爐倒扣至涼

溏心鮑魚到~~

第一次做~~

我一直以為好難做ka~~~但係又唔係想像中咁難做, 同咁煩~~

我用左大半套赤壁的時間做好了.....

有幾點我要改善ka~~~

打o個三分鐘都係用中速打, 希望會少d hole

下次用擠袋擠個麵糊入模, 因為十個中得一兩個係好樣的~

個糖水要加多d 酒同糖, 太淡了.....

巧克力要用高d % 的, 55 % 的巧克力的巧克力味道一點都不足

唯一好的係榛子味夠~~~100% 的榛子醬真的很好~~~

食譜是仙姐的食譜~

我自己有少少的改動, 係做filling o個度
巧克力和榛子醬用熱水坐溶一點點, 再加入煮滾的忌廉, 拌勻, 便可以做好個filling 了~~

等我下星期放假做多次~~~

黑白巧克力紅莓小鬆餅

我用的是cocoa barry 的可可粉的~~

因為我怕只有巧克力粒粒太甜, 太膩, 所以我加入紅莓乾~~

食譜都是用仙姐的食譜~~

做法都是憑著自己的經驗完成了~~

第一次, 看著這句"Cream together the sugar, honey, syrup and butter until light and fluffy." 我以為真的這樣放晒入碗攪至均勻, 但是水油分離了....失敗了.......

我再做多一次, 將所有凍冰冰的液體變成室溫, 打起牛油和糖之後, 慢慢加入有liquid, 先加入忌廉, 再加入蛋汁。

做法同之前的差不多。


包裝好, 給老公, 給公司的同事~~

雜莓小鬆餅

很可愛的小蛋糕~~

食譜是用仙姐的食譜, 再加上自己的explanation~~

我的做法是首先將牛油和糖打起, 加入蜜糖打起至白色, 鬆鬆狀~~

忌廉放至室溫, 或者暖暖的, 分好多次加入牛油糊中, 每一次都要打勻。

蛋之前都要放到室溫, 都係分好多次加入加入上面的牛油mixture 度, 每一次都要打勻。

將 粉類mix together, 過篩, 先加入一半粉類, mix 到差不多均勻, 加入一半乳酪, mix 到差不多均勻, 又加入一半粉, 又攪到差不多, 加埋最後的乳酪。又攪到差不多均勻, 就加入紅莓乾同藍莓, 混合至均勻。之後, 放入擠袋中, 擠到八分滿, 面放上切碎了的紅莓。
放入180c 焗25 min. (以我的焗爐, 唔同焗爐, 焗的時間會有不同ka~~)